AMDANAF I
Yn wreiddiol o Fôn, yn 2006 mentrais i Brifysgol Caerdydd i astudio Cymraeg ac Athroniaeth. Ar ôl graddio o Ysgol y Gymraeg yn 2009 ymunais â Tinopolis Interactive mewn rôl Golygydd Cynnws. Fy nghyfrifoldebau oedd golygu, prawf-ddarllen, cyfieithu, cynhyrchu cynnwys ar gyfer y cyfryngau digidol a phrint, a marchnata. Yn 2013 ymunais â thîm Adnoddau Addysgol CBAC i ymgymryd â gwaith golygu. Yn ystod fy amser yno mireiniais fy sgiliau golygu, yn enwedig o ran cynhyrchu a chyhoeddi deunyddiau addysgol. Wedi hynny, yn 2015, er mwyn datblygu yn broffesiynol a dychwelyd at fy ngwreiddiau yn y cyfryngau digidol, ymunais â thîm BBC Arlein a Dysgu fel Cynhyrchydd.
Erbyn hyn rwy'n gwneud gwaith awduro cynnwys, cyfieithu, prawf-ddarllen a golygu yn llawrydd. Rhai o'r cwmnïau rwyf wedi gweithio â nhw yw Prifysgol Bangor, BBC, Tin Int ac Optimwm.
Yn ogystal â hyn byddaf yn ysgrifennu i wahanol wefannau a chyhoeddiadau er pleser, e.e. y cylchgrawn cerddoriaeth Gymraeg Y Selar, y wefan hyper-leol poblcaerdydd.com a gwefan ryngwladol sy'n dadansoddi ffilm a theledu ScreenPrism.com.
Gallwch gael cipolwg o'm gwaith ar y dudalen prosiectau.